Марий Элыште волонтёр-влакым отличий знак дене суапландараш йодмашым погымо жап умбакыже шуйна.
Марий Элыште «За вклад в развитие добровольчества (волонтёрства)» отличий знак дене суапландараш документым погат. Тудо Марий Эл Республикым Вуйлатыше Юрий Зайцевын кӱштымыж почеш эртаралтеш. Отличий знакым Доброволецын кечыже лӱмеш 5 декабрьыште кучыктышаш улыт.
Марий Элыште волонтёр пашам вич ий деч шагал огыл шуктышо Россий але йотэл гыч граждан-влак претендент лийын кертыт.
Йодмашым 9 октябрь марте Марий Эл Республикысе самырык-влакын политике комитетышкыже колтыман.