Кодшо кечылаште Йошкар-Олаште Российысе марий-влакын калыкле-тӱвыра автономийжын отчёт да сайлымаш конференцийже эртен.
Автономийым угыч Лариса Николаевна Яковлевалан вуйлаташ ӱшаненыт. Погынымаште 8 еҥан Советым сайленыт.
Ты автономий тыгак республикыштына проект почеш шуко пашам шукта. Теве 2 ноябрьыште Йошкар-Оласе «Мари» сийгудышто республикыште илыше тӱрлӧ калык-шамычын куштымашышт шотышто мастер-класс лийын. Тушко тӱрлӧ НКА-н еҥже-влак ушеныт, Советский район Кужмарий гыч фольклор ансамбль толын. Пырля марла, рушла, грузинла, азербайджанла, татарла, тыгак лезгинкым кушташ тунемынна.
А 5 ноябрьыште ты автономийын еҥже-влак «Единство в дружбе» калык тӱвыра молодежный фестиваль кышкарыште эртыше тӱрлӧ калыкын чайым йӱмӧ йӱлам ончыктымо мероприятийыш ушненыт.
И.Степанован да Н.Пушкинан лаштыкше гыч фото-влак.