4 июльышто Марий Эл Республикысе Т.Евсеев лӱмеш тоштерыште «От ящеров до зверей» ончер почылтын.
Москосо А.А.Борисяк лӱмеш палеонтологий институтын шымлызыже-влак Марий Элыште пермь ящер-влакын аралалт кодшо лулегыштым шуко ий шымленыт. Лачак нунын погымо материалыштым ончерын негызшылан налыныт.
Тоштерыште 200 утла экспонат аралалтеш. Нуно 400 миллион ий наре жапым авалтат.
Ончерлан лӱмынак Пермь периодын палеозой эражлан келыштарыме палеоландшафтым ыштыме. Тушто лу ящер-влакын скульптурыжо акред годсо янлык-влакын капыштым чын ончыкта. Нунын кокла гыч Сундыр Горыныч, четверичный периодышто илыше кугу янлык-влакын лулегышт, мутлан, бизонын, межан мамонтын да носорогын. Тыгак тыште кушкыл да илыше организм-влакын ужашыштым ончыкташ луктыныт. Чыла нуным Марий Элыштак муын луктыныт да тоштерын палеонтологий коллекцийыштыже аралалтеш.
____
А.А.Борисяк лӱмеш палеонтологий институт — РАН-ын шымлыше институтшо. Тыгак тудо тӱнямбалысе ик эн кугу палеонтологий институтшылан шотлалтеш. Палемдыме институт Москошто верлана, 1930 ийыште Ленинградыште ышталтын.
