1925 ийыште Козьмодемьянск олан причалже деке «Гудок» газетын корреспондентше Илья Ильфын «Герцен» пароходшо шогалын. Тылеч вара тыште Ильфын да тудын соавторжо Е.Петровын «12 стульев» романышт шочын да икмыняр ий гыч войзалтын. Варажым, 70 ий эртымеке, Козьмодемьянскыште Бендер йолташ лӱмеш тоштерым почаш пунчалме. Вет лачшым тыште Васюки олаште роман почеш шахмат дене тӱнямбал турнир лийын. Тыгодым палыме комбинатор изирак олам тӱнямбалын рӱдыжлан ыштыме шотышто мутым луктын. Васюки олаште аэропортым, пароходлан шогалаш верым, кӱртньыгорно вокзалым, унагудым да уна-шамычлан йӧнан моло верым ыштыме нерген ойлен.
Садланак Козьмодемьянск олаште тоштерым ыштыме. Тушто ик экспозицийжым лӱмын О.Бендер, К.Воробьянинов да пел шинчан Васюклан келыштарыме. Кумылан-влак нунын дене фотографироватлалтын кертыт. Тоштер романлан да Остап Бендерлан пӧлеклалтын гынат, тыште кажне ийын тӱрлӧ оҥай ончер эртаралтеш. Тидыже турист-влакым поснак сымыстара.
Марий Элысе туристический-информационный рӱдерын сайтше гыч налме фото.