Марий Элыште калыкым транспорт дене обслуживатлыме шотышто региональный комплексный планым ямдылаш кӱлшӧ социологический шымлымаш эртаралтеш.
Шымлымашын тӱҥ шонымашыже – регионышто транспорт кудалыштме шотышто уверым погымаш да мер транспортын пашаштыже проблемым пален налмаш.
Анкетым эрташ кудалыштмын чӱчкыдылыкшӧ да цельже дене кылдалтше йодышлан, тидлан кучылталтше жапым, чумыр мер транспортын пашаж дене келшымым, тыгак корнылан ак нерген йодышлан да молыланат вашештыман.
Йодыштмаш анонимный, тидлан икмыняр минут кӱлеш.
Анкетированийым ссылке почеш эрташ лиеш.
Марий Элым Вуйлатышын пресс-службыжын фотожо.