4 ноябрьыште Сеҥымаш тоштерыште Российысе «Сымыктыш йӱд» акций негызеш онлайн-программым эртарат.
Тушто «Россий уша» темылан келыштаралтше ончерым да кином ончаш лиеш. «Ме руш тукым гыч улшо» онлайн-экскурсийыште элнан XX курымысо историйже дене палдарат, jжнысо Русьын чимарий вераже да православийыш куснымыжо, Е.Пугачёвын тумам нӧлталмыж годым казачествын пӱрымашыже, элнан Кугу Отечественный сар годым сеҥымашыж нерген каласкалат. Тыгак ончышо-влакым фондысо архивын икмыняр материалже дене палдарат.