У ий деч ончыч А.Евстифеев «Время чудес» эше ик онлайн-марафоныш ушнен.
Тиде марафон Российыште икымше гана эртаралтын. Онлайн трансляцийыш 310 соцучреждений ушнен: илалше-влаклан пӧрт, йочапӧрт, ийготыш шудымо-влаклан лӱмын туныктымо тӧнеж, интернат-пӧрт, психоневрологический интернат-влак.
Онлайн-марафонлан ямдылалтме годым декабрь мучаште «Россия – одна семья!» флешмобым эртарыме. Кумылан кажне еҥ марафонын участникшылан видеосаламлымашым ямдылен да соцсетьлаште вераҥден. Чылаже 425 видеоролик погынен.
А.Евстифеев видеотрансляций дене марафоныш ушнышо-влакым пайрем дене саламлен. Мероприятийыш тӱрлӧ регионысо тӱвыра учреждений-влак видеоматериалыштым колтеныт. Марий Эл Республикысе Т.Евсеев лӱмеш национальный тоштерын пашаеҥже-влак «Под крылом священной птицы» видеотурым ямдыленыт.
И.Александрова, Э.Терентьева.