Ондалат!

Марий Элыште мошенник-влакын «Тендан лишыл еҥда ДТП-ш логалын» схемышт эшеат шарлен. Еҥ-влак ӱшанымыштлан кӧра идалык тӱҥалтыш гыч чылаже 17236000 теҥге оксам йомдареныт.

Мошенник-влак шоҥгыеҥ-шамычлан йыҥгыртат, ӱдырда але эргыда ДТП-ш логалын, нунын шотышто уголовный делам тарваташ огыл манын, оксам тӱлыман манын ӱшандарат. Шукыж годым стационар телефоныш йыҥгыр пура. Ӱдырдан але эргыдан йолташыже, кугыжаныш кучемын пашаеҥже улына манын ойлат.

Марий Элысе МВД шоҥгыеҥ-влаклан тӱткырак лияш темла, родо-тукымыштым нунын дене профилактике сынан мутланымашым эртараш йодеш. Тыгай сынан йыҥгыр пурымеке, ончыч, ӱдырда але эргыда деке йыҥгыртен, чыла умылен налман. Палыдыме еҥ-влакын счётышкышт але кидышкышт оксам пуыман огыл.