Тений шыжым Кугыжаныш Думыш сайлымаш лиеш. «Единый Россий» партий депутатлан сайлалтшаш кандидат-влакым ончылгоч ойырымо шотышто йӱклымашым (праймеризым) эртара. Келшыше кандидатлан йӱкым «Госуслуги» портал гоч 24 гыч 30 май марте пуаш лиеш. Тидлан посна регистрацийым эртыман.
Партийын ончылгоч ойырымо спискыштыже республикысе Кугыжаныш Погын председательын алмаштышыже, МарНИИЯЛИ директор Е.Кузьмин, Мер-политик рӱдер вуйлатыше, Оньыжа Э.Александров, Йошкар-Оласе эмлымверын тӱҥ врачшын алмаштышыже Л.Бендер улыт.
Нуно теҥгече рӱдолаште республикысе тӱвыра учрежденийым вуйлатыше-влак дене вашлийыныт, могай шонымаш дене сайлымашке ушнымышт шотышто каласкаленыт.