Марий Элысе вӱрым пуымо станций «Семейный код донора» Российысе акцийлан келыштаралтше конкурсышто призёр лийын.
Ты челлендж-конкурс Вӱр службо учрежденийласе пашаеҥ-влакын тыршымышт дене палдарыме амал дене эртаралтеш. Тушко элнан 69 регионжо, тыгак Казахстан ден Белоруссий гыч 400 тӱжем наре еҥ ушнен.
Вӱрым пуымо республикысе станций «Расширяя границы донорства» номинацийысе проектыште участвоватлен. Пашаеҥ-влак вӱрым пуымо сомылыш ушнышо династий, почётан донор-влак, ешге вӱрым пуаш коштшо-шамыч нерген каласкаленыт.