Марий Элысе Тӱвыра, печать да калык-влакын пашашт шотышто министерстве ден «Защитники Отечества» фондын Марий Элысе филиалже пырля пашам ыштыме нерген ойпидышым ыштеныт.
Марий Эл Правительстве Председательын алмаштышыже – тӱвыра, печать да калык-влакын пашашт шотышто министр К.Иванов ден филиалым вуйлатыше Р.Магсумов «Герои Отечества» музейно-патриотический рӱдерыште Шочмо элым аралыше-влакын кечышт годым вашлийыныт да документыш кидпалыштым пыштеныт. Мероприятийыш толшо ветеран ден юнармеец-шамычлан рӱдер мучко экскурсийым эртареныт.
«Защитники Отечества» фондын Марий Элысе филиалжын архивше гыч налме фото.