10 сентябрьыште Йошкар-Оласе Бауман лицейыште медиаклассын тунемшыже-шамыч дене вашлиймаш эртаралтын. Тений ты лицей пелен республикна гыч журналистикылан кумылан ӱдыр-рвезе-влакым лӱмын 10-шо классыш тунемаш чумырымо.
Вашлиймашке Марий Эл Правительстве Председательын алмаштышыже – тӱвыра, печать да калык-влакын пашашт шотышто министр Константин Иванов, Марий кугыжаныш университетын ректоржо Михаил Швецов, Бауман лицейын генеральный директоржо Григорий Пейсахович да СМИ вуйлатыше, туныктышо-влак миеныт. Нуно тунемше-шамычын чын корным ойырен налмыштымат пеҥгыдемденыт.