24 декабрьыште Йошкар-Оласе «Олимп» спорт полатыште художественный гимнастике дене первенстве эртен.
Нунын коклаште самырык спортсменке Венера Ларионова лийын. Ӱдыр 2015 ийыште шочшо-влак коклаште икымше верым налын.
Венера Медведево посёлкысо 4-ше номеран школышто 1-ше «Д» классыште тунемеш.
– Ӱдырна ныл ияшыж годым художественный гимнастике секцийыш возалташ йодын. Ме тореш лийын огынал, мöҥгыштӧ тӱрлӧ упражненийым кумылын ыштымыжым ужынна. Группыш «отборым» эртымеке, тренировкыш коштыкташ тӱҥалынна. Занятий-влак кажне ийын жап денат шукырак шуйнат, вийымат ятыр налыт. Кызыт арнялан ныл гана тренировкыш коштына. Тудо кум шагатат пеле шуйна.
Кум ий тренироватлалтмеке, Венера кокымшо юношеский разрядым да ГТО дене икымше ступенян ший палым налын.
Икшывына але изирак да ты корным тапташ тӱҥалын веле гынат, таҥасымашке эре гаяк кошташ тырша. Ӱшанена, тудын чыла ончылно, – каласкалыш Венеран ачаже.
