Кодшо арнян МарГУ-што «Большие Юридические игры – 2022» модмаш 7-ше гана лийын. Мероприятийым Российысе юрист-влакын ассоциацийыштын Марий Элысе пӧлкаже да «Консультант Плюс Марий Эл» организаций полшымо дене эртарыме.
Модмашке Российын кум регионжо гыч шым команде ушнен. Кум раундым иктешлымеке, икымше верым «Дело правое» (МарГУ) командылан пуымо. Кокымшо верыш «Сила в праве» (МарГУ) команде лектын. Кумшо верым «Дети Фемиды» (Чебоксар оласе Ульянов лӱмеш кугыжаныш университет) командылан пуымо.