Марий Эл Республикысе Тазалык аралтыш министерстве Россий Тазалык министерстве дене соглашенийым ыштен. Тудлан келшышын, федеральный бюджет гыч ойырымо окса дене 2024 ий мучаште мӱшкыран ӱдырамаш-влакын глюкозым тергыме мониторингым эртараш 14,3 млн наре теҥгеаш системе-влакым налме. Тений тидлан 35 млн наре теҥге ойыралтшаш.
Мӱшкыран ӱдырамаш-влаклан медицинский изделийым наледыме сомыл «Продолжительная и активная жизнь» нацпроектын «Борьба с сахарным диабетом» программыж почеш шукталтеш.
– Тидын годым ӱдырамаш-влакым кок тӱшкалан шеледыман: сакыр диабет диагнозан мӱшкыран ӱдырамаш-влак да мӱшкыран годым вияҥше гестационный сакыр диабетан ончыкылык ава-шамыч. Тыгай диагнозым акушер-гинеколог шынден да ӱдырамашлан мӱшкыран улмыжо жаплан
мониторинг системым яра темлен кертеш. Глюкозо показательым ӱдырамашын телефонышкыжо вераҥдыме лӱмын приложенийыш пурен ончалаш лиеш, – палдара Марий Эл Республикысе Ава лийме да йоча пагытым аралыме пӧлкан начальникше Г.Мурзаева.
https://www.freepik.com/ сайт гыч налме фото.