«Больше, чем путешествовать» программе почеш 18 гыч 35 ияш марте ӱдыр-рвезе-шамыч, оксам тӱлыде, Российын тӱрлӧ вержым ончен коштын кертыт. Тышке Марий Эл гычат самырык еҥ-влак ушнен кертыт. Программе 25 декабрь марте шуйна.
Тудо «Россия – страна возможностей» президент платформын посна ужашыже. Проект мер да волонтёр пашаште сеҥымашыш шушо чолга ӱдыр-рвезе-влаклан полшаш, нуным вияҥдаш манын виктаралтын.
Проект почеш 100 утла тӱжем самырык еҥ элнан ойыртемалтше вержым ончен савырнен, университет, промышленный предприятий-влакын сеҥымашышт дене палыме лийын, социально кӱлешан проектым шонен луктын да у йолташым муын.
Ӱдыр-рвезе-влак историй, тӱвыра, сылне вер-шамыч дене палыме лийыт веле огыл, тыгак регионлаште улшо производствылашке, шинчымашым пуышо организацийлашке миен коштын, олам вияҥден колташ полшен, волонтёр пашаш ушнен кертыт.