1 ноябрь гыч Йошкар-Оласе икымше номеран ФОК-ым капитально олмыкташ петыреныт.
Ты сомыллан Марий Элысе Правительствын бюджетше гыч оксам ойырымо. Тудын кӱшеш зданийын конструкцийжым алмаштышаш, грунтым пеҥгыдемдышаш, леведышым вашталтышаш, фасадым тӧрлышаш улыт.
Кызыт ФОК Марий Элысе паралимпийский резерв спортивно-адаптивный школлан шотлалтеш. Садлан тушто начар тазалыкан спортсмен-влаклан шуаралташышт йӧнан лийже манын олмыкташ тӱҥалыт. Ты жапыште тренировко-шамыч республикысе моло спорт объектлаште эртаралтыт.