Марий Элыште тунемше-шамычын Российысе олимпиадын регионысо йыжыҥже 10 январь гыч 29 февраль марте эртаралтеш. Тудо француз йылме дене тӱҥалын, ОБЖ предмет дене мучашлалтеш.
Олимпиаде 21 предмет дене лиеш. Тушко тений 9-11-ше да 7-8-ше класслаште тунемше тӱжем утла йоча ушна. 7-8-ше класслаште тунемше ӱдыр-рвезе-влак физике дене Дж.К.Максвелл лӱмеш, математике дене Леонард Эйлер лӱмеш, астрономий дене Струве лӱмеш олимпиадылаште уш-акылыштым тергат.
Олимпиаде-влак МарГУ-што, МОСИ-ште, Медведево посёлкысо 4-ше №-ан школышто, «Волгенче» регионысо рӱдерыште лийыт.