2022 ийыште Российыште ола-влакым тӱзатымын качествыжым посна индекс дене иктешлыме.
Тыгай ола 603 марте ешаралтын (тидыже чыла олан 54 процентше лиеш). Кокла индексше 192 баллыш шуын, 2021 ий дене таҥастарымаште 4 процентлан шукырак, а вич ийыште 18 процентлан ешаралтын. Сай средан ола-влакын ужашышт (94%) 250 тӱжем гыч 1 млн еҥ марте илыман ола-шамычлан толеш. Тыге эн шуко баллым Мытищи, Грозный, Тюмень, Сочи, Белгород, Калининград погеныт. Тыгодымак эн чот вияҥшылан 1 млн деч шуко еҥ илыман ола-влак шотлалтыт: Моско (299 балл), Санкт-Петербург (264), Озаҥ (216), Нижний Новгород (214), Ростов-на-Дону (212).