Марий Элыште «Формирование комфортной городской среды» нацпроект умбакыжат илышыш шыҥдаралтеш. 2022 ийыште олаште могай верым уэмдаш да тӱзаташ кӱлмым калык шке ойырен кертеш.
Тидлан 26 апрель гыч 30 май марте общероссийский платформышто йӱклымаш лиеш. Марий Элыште илыше-влаклан 12.gorodsreda.ru ссылке дене пурыман. Шке йӱкым иктаж верлан пуаш манын, Госуслуги портал гоч авторизацийым эртыман.
Тушко Йошкар-Оласе 19, Козьмодемьянск оласе 9 да Волжск оласе кум объектлам сайлаш луктыт.
Тыгай йӱклымаш почеш ятыр верым ачалыме. Мутлан, Тазалык аллейым, С.Чавайн лӱмеш бульварым, Сеҥымаш паркым да молымат.