Росстатын шотлымыж почеш, 2020 ийысе Российысе калык переписьлан келшышын, тений 1 январьлан Российыште 146,5 млн еҥ ила. Нунын коклаште 109,7 млн еҥже (74,9%) – олаште ила, 36,8 млн еҥ (25,1%) – ял шотан илемлаште.
Тений 1 январьлан Марий Элыште 672,3 тӱжем еҥ (359,5 тӱжем ӱдырамаш да 312,8 тӱжем пӧръеҥ) ила. Нунын коклаште 462,6 тӱжем еҥ (68,8%) – олалаште, 209,7 тӱжем еҥ (31,2%) – ялысе калык. Республикыште илыше калыкын кокла ийготшо – 40,5 ий. Чылаже Марий Элыште 131,4 тӱжем йоча ден подростко илат.