Ола ӱмбалне флаг-влак лойгалтыныт

Парашют спорт дене республикын сборныйжо 4 июльышто Российын Геройжо М.Евтюхиным шарныме лӱмеш Российысе соревнованийлан ямдылалтме показательный тренировкым эртарен.

Спортсмен-влак ты выступленийыштым Россий Конституцийыш вашталтышым пуртымо шотышто йӱклымашлан пӧлекленыт. Индеш парашютист самолёт гыч тӧрштен, Йошкар-Оласе «Динамо» стадионыш волен. Нунын коклаште ик ӱдыр, Ольга Сысоева, лийын. Кажне гаяк спортсмен флагым волтен: Российын, Марий Элын, аэроклубын да молынымат. Тений 22 июльышто Россий ДОСААФ-ын Йошкар-Оласе аэроклубшылан 85 ий темеш.

Аэроклубын архивше гыч налме фото-влак