ШОРЫК. Тазалыкым перегыман. Лишыл еҥ-шамыч дене кыл пеҥгыдемеш. Октябрьын икымше пелыштыже кугу паша-влаклан тӱткышым ойырыман, тӱрлӧ документым шотыш кондаш сай жап. Тылзын кокымшо пелыштыже пашаште умылыдымаш лектын кертеш.
ПРЕЗЕ. Шкетын улыда гын, йӧратымашым вашлийыда. Шӱм-чон пелашда уло гын, коклаштыда йӧратымаш тул эшеат чот ылыжеш. Йочан лияш шонышо-влаклан октябрь – пиалан тылзе.
ЙЫГЫР. Ача-ава да йоча, вате да марий коклаште вашкыл лушка. Нелылыкым ӧрдыж еҥ дене огыл кораҥдыман, а вашла икойыш шуаш тыршыман. Пашаште коллеге-влакын каҥашыштым шотыш налза. Лидер койышда палдырна.
РАК. У шинчымашым налаш келшыше тылзе, англичан йылме але квалификацийым нӧлтымӧ курсыш возалташ сай. Тоштерлаш коштса, путешествийыште лийза. Октябрьыште илыш умылымашда йӧршын вашталт кертеш. Пашаште премий дене куандарат.
ЛЕВ. Тӱрлӧ шонымашдам илышыш шыҥдараш тыршеда. Вашкаш огеш кӱл, кӱлеш тыланда тиде але уке – шоналтыза. Тылзе мучаште нойымым шижыда, тидлан кӧра амал деч посна лишыл еҥ-влаклан сыренат кертыда. Окса йодышым шотыш кондыза.
ӰДЫР. Кугу вашталтыш вуча. Пашам але пачерым вашталташ йӧн лектеш. Тӱҥжӧ, вашкыде, чыла вискален ыштыза.
ВИСА. Сай паша верым кычалыда гын, тиде тылзын тудым муын кертыда. Пашаштыда кӱкшытыш шуаш, вуйлатышын пагалымашыжым сулаш йӧн лектеш. Шинчымашдам келгемдаш сай тылзе. Йолташда-влак дене вашлияш жап лиеш.
СКОРПИОН. Чыла шукташ тыршымыда дене шот дене каненат огыда керт, кумылдат чӱчкыдын вола. Канаш шонеда гын, отпускым налза, проблеме деч кораҥза да телефоным йӧртыза. Ыштыме пашада куаным, оксам ок кондо гын, вес йӧным кычалза.
ПИКШЫЗЕ. Шым гана висе – ик гана пӱч. Тиде калыкмут октябрьыште тыланда лач келшен толеш. Илышыштыда чыла могырымат вашталтышым пурташ кумылда лектеш, но ида вашке. Южо койышда еҥын кумылжым волта. Шкендам эскерыза.
ИРКАЗА. Кумылда эре волышо лиеш. Еҥын сеҥымашыжлан кӧранен кертыда. Еҥын илышыжым ида ончо, шкендам кидыш налза да, мо илышыштыда огеш келше, вашталташ тыршыза.
ВӰД ЙОКТАРЫШЕ. Шуко шонымашда окса дене кылдалтеш. Кузе оксам ыштен налаш, молан тудым кучылташ да кузе аныклен кодаш – теве нине йодыш тылзе мучко чондам туржеш.
КОЛ. Йолташда, коллегыда-влак тендан деке каҥашлан толыт. Но воктеныда осалым шонышо еҥ лийын кертеш. Репутацийдам локтылаш огыл манын, шкендам кидыште кучыза. Шӱм-чон пелашдалан жапым ойырыза. Йоча-шамыч, йолташ-влак деч посна коктын канаш жапым муза.