Интернетысе инвестиций платформылаште ешартыш оксам ыштен налаш темлен, мошенник-влак еҥ-шамычлан оксам колташ да доходым куштылгын ыштен налаш темлат.
Инвестиций платформышто клиентын личный кабинетыште регистрацийым эртымекыже да депозитым колтымекыже, шоя брокер-влак окса кугытда кушкаш тӱҥалын манын увертарат. Тидын нерген пален налмеке, еҥ-влак инвестицийлан эшеат кугу оксам колтат. Счёт гыч оксам лукмо годым нелылык дене тӱкнымеке веле нуно ондалалтмышт нерген пален налыт.
Тыгай схеме почеш Марий Турек районысо ик ялыште илыше 63 ияш пӧръеҥ ондалалтын. Ик тылзе жапыште тудо мошенник-влаклан 670 тӱжем наре теҥгем колтен, кредитым оформитлен.
Тидын шотышто уголовный пашам тарватыме.
Интернет гыч налме фото.