Яллаште илыше-влакым коронавирус ваштареш вакциным шындаш манын, эмлымверыш оксам тӱлыде намиен коштыкташ тӱҥалыт.
2021 ий февральыште Марий Элыште корнавирус ваштареш вакцинаций кампаний тӱҥалын. Тора яллаште да селалаште илыше шоҥгыеҥ-шамычым соцобслуживатлаш мобильный бригаде-влакым ыштыме. Пенсионерым, машинашке шынден, эмлымвер марте наҥгаят. Прививкым ыштымеке, мӧҥгеш кондат.
Вакцинаций тӱҥалмеке, мобильный бригаде-влак 327 еҥым эмлымверыш намиен конденыт. Тыгай услугым налаш манын, йодмашым ФАП-ыш кодыман але соцобслуживаний рӱдерыш пуыман. Тыгак соцпашаеҥ-влакланат каласаш лиеш.