Марий кундемысе школлаште 8-11-ше класслаште, колледж ден техникумлаште тунемше ӱдыр-рвезе-влак «Код будущего» проектыш ушнен кертыт.
«Цифровая экономика» нацпроект почеш программированийын кызытсе йылмылаж дене палдарыме курс-влакым ыштыме. Апрель гыч ноябрь марте онлайн туныктат, тидлан оксам тӱлыман огыл.
Тушко ушнаш манын, кугыжаныш порталыште йодмашым погаш тӱҥалыныт. Тудым тунемше, ача-ава але законло представитель пуэн кертеш.
«Код будущего» курслаште тунемше-влак искусственный интеллектын технологийже, программированийын негызше нерген пален налын, сайт-влакым, 2D модышым ямдылаш тунемын, дизайн урокым эртен кертыт.