Тений шыжым Марий Эл Республикысе Кугыжаныш Погынын сессийыштыже тулык да начар тазалыкан икшыве-влаклан оксам тӱлыде тунемаш йӧным пуымо шотышто законым приниматлыме.
Тудым Марий Элым Вуйлатыше Ю.Зайцев темлымыж почеш пуртымо.
Тулык да начар тазалыкан икшыве-влаклан пашаче да служащий профессийлан республикысе бюджет кӱшеш ик гана переподготовкым эрташ права пуалтеш. Тунемме жапыште кажне тылзын нунылан пособий ойыралтеш да книгам, возаш тӱрлӧ арверым налаш окса тӱлалтеш. Тудын кугытшым Марий Эл Республикысе Правительстве пеҥгыдемда.
Закон 2024 ий 1 январь гыч вийыш пура.