Йошкар-Оласе прокуратурын увертарымыж почеш, рӱдолаште илыше 20 ияш рвезын банк счёт гыч оксам шолыштмыжлан пунчалым лукмо.
Суд палемден: 2021 ий ноябрьыште тудо «BlaDlaCar» сайт гай койшо странице гыч шоя ссылке-влакым Архангельск, Воронеж, Оренбург областьлаште да Хабаровск крайыште илыше-влаклан колтылын, транспортым заказатлымылан тӱлаш йодын. Банк счётым возымеке, еҥ-влакын счётышт гыч вигак окса йомын. Еҥ-шамычлан 73 тӱжем теҥгеаш эҥгек лийын. Рвезым титаканлан шотлымо да 50 тӱжем теҥге штрафым пуымо. Пунчал але вийыш пурен огыл.