Теҥгече Марий Эл Кугыжаныш Погынын 20-шо сессийыштыже депутат-влак 24 йодышым онченыт.
Илышыш пурышо у закон кокла гыч иктыже шуко йочан еш-влак дене кылдалтше. Ынде тыгай еш пӧртым чоҥаш мландым кугыжаныш деч яра налын але компенсацийым йодын кертеш. Тӱҥжӧ – окса (250 тӱжем теҥге) мландым налаш гына ойыралтеш, тудым ешлан огыт пу, ужалышын счётышкыжо колтат. Вес закон – сад товариществе-влаклан кугыжаныш могырым полыш лийшаш, тидлан посна программым ямдылаш палемдалтеш. Газ, вӱд, электротул шотышто йодышым решатлаш полшышаш улыт. Коммунал роскотлан тариф шулдырак лийын кертеш.
Ирина Александрова.