Российыште аныклыме арня годым ВКонтакте соцкылысе Социальный инициативе ресурс рӱдерын тӱшкаштыже (https:vk.com/rcsichuvashia) еҥ-влаклан оксам кучылт моштымо шотышто икмыняр онлайн-трансляцийым эртарат.
11 ноябрьыште финанс эксперт-влак оксам кучылт мошташ туныктеныт, пайдале лайфхак-влак дене палдареныт гын, 12 ноябрьыште оксам могай йӧн дене аныклыме, ешлан ешартыш шийвундым ыштен налме нерген каласкалат. 18 ноябрьыште вебинарыште кредитын сайже ден уто-ситыже, нелылык годым кредитым кузе тӱлаш кӱлмӧ нерген умылтарат. 19 ноябрьыште эксперт-влак оксам кузе аралаш, у схеме почеш мошенник-влакын, финанс пирамидын кузе пашам ыштымыштым пален налаш, осал шонымашан еҥ-влак дене кузе мутланаш, шке правам аралаш кӱлмӧ шотышто йодыш-влаклан вашмутым пуат. Мероприятий-влак 15 шагатлан тӱҥалыт.