Марий Элым вуйлатыше А.Евстифеев кундемыште йочасадлам чоҥаш да районысо школлам у оборудований-влак дене пойдараш 22,9 млн утла теҥгем ойырен.
Медведево районлан 1,5 гыч 3 ияш икшыве-влаклан ешартыш верым ышташ 17,6 млн теҥгем пуымо. Руэм посёлкышто 100 веран, Пиясир (Нурма) селаште 55 веран йочасад-влак чоҥалтыт.
Марий Турек ден У Торъял район-влаклан 5,3 млн теҥге субсидийым ойырымо. Марий Турек районысо К.А.Андреев лӱмеш Карлыган да У Торъял кыдалаш школ-влаклан тыгай окса полышым пуат.