Россий банк финансовый грамотность дене аудиокнига лекций-влакым иктеш чумырен.
Ты проектыш кумылан кажне еҥ ушнен кертеш. Интернетысе Fincult.info сайтыште, «ЛитРес» электрон книга порталыште, «ВКонтакте» соцсетьыште да «Яндекс.Музыка» платформышто материал-влакым муаш лиеш.
Тушто 20 тӱрлӧ аудиолекций: кредит, финансовый пирамиде, кибермошенник да моло улыт. Тыгай «книга-влак» кеч-могай ийготан еҥланат келшат, вет кызыт самырыкат, илалше еҥат ондалалтыт.