Йошкар-олаште илыше 84 ияш кова 400 тӱжем теҥге деч посна кодын.
Тудын стационарый телефонышкыжо пуйто ӱдыржӧ йыҥгыртен да корно туткарыш логалынам манын ойлен. Меполышлан тӱлаш тудлан окса кӱлеш улмаш. Аферист дене кутырымыж нерген кова пален огыл да мӧҥгыжо толшо курьерлан погымо оксажым пуэн колтен.
Палыдыме еҥлан шке оксадам ида пу! Лишыл еҥда эҥгекыш логалын манын йыҥгыртат гын, тудын телефонышкыжо шке йыҥгыртен рашемдыза, увертарат полиций пашаеҥ-влак.