«Кугарня» газетын корреспондентше-влак Елена Годунова ден Ирина Александрова «Моя Земля – Россия-2022» конкурсышто ялозанлык темылан возымо материалышт дене икымше верыш лектыныт ыле.
2022 ийыште Марий Элысе журналист-влак коклаште эртарыме «За лучшее освещение социально-экономического развития Республики Марий Эл» премийым налше-влакын лӱмышт пале.
Экономикым вияҥдыме темым эн сайын почын пуышылан «Марий Эл» ГТРК-н корреспондентше Константин Микрюковым шотлымо, ял озанлык темым – Марий книга савыктышын редакторжо Эрнст Петровым, социальный сферым – «Марий Эл» газетын коллектившым, тӱвырам – «Юринский рабочий» газетын коллектившым. «Лучшая работа по освещению национальной самобытности народов, проживающих в Марий Эл» номинацийыште «Марий Эл Телерадио» коллективым палемдыме, а молодёжь илыш нерген возымаште – «Молодёжная жизнь в Марий Эл» газетым. «Шӧртньӧ пера» премий «Марий Эл Радион» тӱҥ редакторжо Владимир Матвеевлан логалын. Саламлена!
