ФСИН-ын Марий Элысе управленийжын 6-шо №-ан исправительный колонийыштыже служебный да воинский порысым шуктымо годым вуйым пыштыше пашаеҥ-влаклан шарнымаш оҥам почыныт.
Специальный военный операцийыште воинский порысым шуктымо годым колышо Сергей Николаевлан да служебный обязанностьым шуктымо годым вуйым пыштыше Николай Петровлан колонийын административный зданий пырдыжеш оҥа-влакым пижыктеныт.
Уголовно-исполнительный системын ветеранже Владимир Новоселов коллегыже-влак дене пырля пашам ыштымым шарналтен каласкален, нунын профессионал улмышт нерген ойлен.
Марий Элысе УФСИН-ын пресс-службыжын фотожо.