1 сентябрьыште Т.Евсеев лӱмеш Национальный тоштерыште «Первозданная Россия» ончер почылтын. Тыгак Федераций Советын председательжын алмаштышыже К.Косачёв дене вашлиймаш лийын.
Выставкыште тыгаяк лӱман Российысе пӱртӱс фестивальым иктешлыме. Ты проект почеш ончер Марий Элыште нылымше гана ончыкталтеш. Вашлиймаште туризмым вияҥдыме, путешествий, фотограф-натуралист-влаклан фотопроект ден конкурс шотышто мутланыме. Варажым студент-влак шке йодышыштым политиклан пуэденыт.