Анджела
Анджела Николаева Морко посёлкышто ила, 2-шо номеран йочасадыште воспитательлан тырша. Ойыртемалтше лӱман улмыжлан тыгерак каласкалаыш:
– Мыланем ты мотор лӱмым ачам пуэн. Шочмем годым американ коммунистке Анджела Дэвис кумдан палыме лийын улмаш. Тудын шке калыкшын праваж верч пеҥгыдын шогымыжо ачамлан келшен. Садлан мыланем Анджела лӱмым пуаш кумылаҥын.
Мыланем шке лӱмем моткоч келша. Иктышт, очыни, ача ден ават Андрейым вученыт, садлан тыйым тыге лӱмденыт, маныт. Весышт могай грамотдымо еҥ тыланет документым возен, шылталат. Лиеш тыгеат, шукыж годым документ паша дене коштмо годым, кунам лӱмем кок-кум пачаш лудыт да «а лӱмдам чын возымо?» йодыт.