24-29 октябрьыште Коми-Пермяк национальный драмтеатрыште «Сообщение» V межнациональный театральный фестиваль эртаралтын.
Кудымкарыш Карелий, Татарстан, Башкортостан республикла да Пермь ола гыч театр труппо-влак миеныт. Фестивальын Гран-прижым Татарстанысе Альметьевск театрлан пуымо. Эн сай ӱдырамаш ден пӧръеҥ роль-влаклан диплом Башкортостаныш – Уфа ден Салават олалашке – каеныт. А художникын эн сай пашаж семын Коми-Пермяк театрыште шуктымо палемдалтын.