«Ныжыл сем» ныжылге

27 мартыште Свердловск областьысе Красноуфимск район Пугалыш ялыште кажне ийын эртаралтше «Ныжыл сем» марий калык усталык фестивальын гала-концертше лийын.

Тудын отборочный манме туржо ты гана заочно эртаралтын. Пугалыш ялыш сеҥыше коллектив ден мурызо-влак, тыгак уна семын Сарсаде ял гыч «Сарсаде» ден Юа села гыч «Эрвий» ансамбль-влак миеныт. «Вокал» номинацийыште I степенян дипломым Марий Усть-Маш ял гыч Светлана Митькиналан кучыктымо. Тыгак спецприз дене тиде ялынак «Ю мари» мурышо да куштышо ансамбльже палемдалтын.

Снимкыште: «Сарсаде» ансамбль.

Фотом Интернет гыч налме.