Патырлык орденын кавалерже, СВО ветеран, «Герои Марий Эл. Талешке-влак» кадровый программын участникше Павел Попов «Абилимпикс» профессиональный мастарлыкым тергыше национальный чемпионатыште сеҥен.
П.Попов «Резьба по дереву» компетенцийыште ойыртемалтын. Сенымаш дене тудым Марий Элым Вуйлатыше Ю.Зайцев саламлен, тудак кадровый программыште Павел Поповын наставникше.
Таҥасымаш-влак Москошто эртаралтыныт. Марий Элын 5 еҥан делегацйже гыч «Школьники» категорийыште Артур Попов икымше лийын. «Студенты» категорийыште Кристина Харчевникова да «Специалисты» категорийыште Андрей Лебедев той медаль дене палемдалтыныт.
Марий Элым Вуйлатышын пресс-службыжын колтымо фотожо.