Хоккей дене заниматлаш йӧным ышташ манын, «Демографий» нацпроектын «Спорт – норма жизни» федеральный проектше почеш Спортын ий ӱмбалысе видше-влак дене спорт школлан 25 миллионат пеле теҥге субсидийым ойырымо.
Ты окса дене Звенигово, Оршанке, Волжский, Параньга районлаште да Волжск олаште хоккей коробка (борт)-влакым вераҥдат, оборудованийым (сеткан хоккей капкам, коньким шумаш станокым да т.м.) налыт. Шернур районышто ыштен шуктымо. Нине районлаште спорт школын пӧлкаже-влак почылтыт.