Крыкмарий районын уста гармоньчыжо А.Яйцов 12-18 июльышто Новосибирск олаште Геннадий Заволокин лӱмеш «Играй, гармонь!» тӱнямбал фестивальыште лийын да лауреатын дипломжо дене палемдалтын.
Легендарный вӱды-шын ӱдыржӧ Анастасия Заволокина гармоньчын шоктымыжым ик гана веле огыл ужын, тудын выступатлымыже келшен, садлан Арсенийым мероприятийыш ӱжыныт. Фестиваль тӱҥ шотышто Заволокинын ялыштыже (Г.Заволокинын колымо вержым тыге маныт) лийын. Арсений икмыняр композицийым шоктен. Но Новосибирскысе набережный мучко моло участник-влак дене пырля гармоньым шоктен эртымыже поснак ушеш кодеш. Гала-концерт Новосибирск олаште Железнодорожник-влакын тӱвыра полатыштышт лийын. А.Яйцовлан лауреатын дипломжым кучыктеныт.
