СЕҤЫМАШЛАН – 80 ИЙ
Новороссийскыште Адмирал Серебряковын набережныйыштыже «Малая земля» мемориал верланен. Тудо «Героям Великой Отечественной войны 1941-1945 годов» мемориал комплексын ужашыже.
Памятникыште боевой корабльын ончыл ужашыжым ончыктымо, тудо теҥызыш лектеш, а вес ужашыже – мландыште. Нуно 22 метр кӱкшытыштӧ ушнат, да тиде кум лукан арке семын коеш. Бортышто кредалаш ямде салтак-влакын рельефыштым келыштарыме. А ваштарешыже 9 метр кӱкшытан той скульптурышто морякым, пехотинецым, санинструктор ӱдырым да командирым ончыктымо.
Ойыртемалтше памятникым 1982 ий 16 сентябрьыште (ты кечын Новороссийск олам утарыме) почмо. Тудым 1943 ий 4 февральысе десантный операцийыште лийше теҥыз пехотын отрядшылан пӧлеклыме. Нуно тиде мландым 225 кече араленыт да утареныт.
Ты операцийыште геройлыкым ончыктымылан 21 салтаклан Совет Ушем Герой лӱмым пуымо. Памятник кӧргыштӧ боевой чап тоштерым ыштыме. Тушто лачак Малая земля верч кредалше салтаквлакын портретыштым вераҥдыме. Тоштерыш тошкалтыш дене шонаш таратыше сем почеш ошкыл кӱзыман. Эн кӱшнӧ, покшелне, «Шӱм» скульптур композиций уло. А тудын кӧргыштыжӧ Новороссийск олам утарымаште колышо-влакын спискыштым возымо капсул-гильзе аралалтеш. Тушко кажне ийын 8 майыште ты верыште вуйым пыштыше боецын лӱмжым ешарен возат.
Авторын фотожо.