Тиде историйым мыланем палыме ӱдырамаш каласкален. Тудын марийже ынде шукертак колен. Саде пӧръеҥ кеҥежым илыш дене чеверласен, сандене куштылго вургемым веле чиктен пыштеныт, а теле вургемым пышташ монденыт.
Ик теле кечын палыме ӱдырамашлан марийже омешыже кончен да меж носким йодын. Вес кечын ик черкыш каяш да колышо пӧръеҥын колоткашкыже пыштен колташ кӱштен. Ӱдырамаш, йодмым шукташ манын, вес кечын черкыш ошкылын. Тушко, чынак, пӧръеҥым отпеватлаш конденыт улмаш. Родо-тукымжылан чыла каласкален да носким колташ йодын. Нуно тореш лийын огытыл.
Тугеже туштат илат, вес тӱняштат шкешотан илыш уло.
МАРИЯ.
Шернур посёлко.
Тыгак моло историй-влакым 18 декабрьыште лекше газетыште лудын кертыда. Подпискым ыштен огыдал гын, онлайн-кевытыште у номерым налын кертыда.