Марий Турек посёлко воктенысе Марий Нольдӱр ялыште Ноля эҥер гоч йолын кошташ келыштарыме кечалтше кӱвар уло. Но тудын озаже уке. Тидлан кӧра тудым иктат огеш эскере, тыге кӱвар шаланен кертеш.
Марий Турек районын прокуратуржо, верысе администраций кӱварым учётыш налже манын, Шернур районысо судыш искым колтен. Суд йодмаш дене келшен. Судебный акт законло вийым налын, прокуратур ситуацийым терга.