Марий Элысе активист да мер пашаеҥ Роман Золотухин СВО кайыме верыш 13 тонн гуманитарный полышым да разведчик-влаклан «Нива» автомашинам намиен. Роман тыгай полыш дене тусо кундемыш визымше гана миен коштын.
Полышым кундемнан поро кумылан еҥже да республикысе Правительствын полшымыж дене погеныт. Тылеч посна аза пӧртыш ньога-влаклан кочкышым, памперсым, пелёнкым, канцтоварым да вургемым намиеныт. У ий деч ончыч ты поро кумылан еҥ эше ик гана гуманитарный полышым наҥгаяш шона.
Тыгак Йошкар-Ола гыч предприниматель Александр Земцов 10 кӱртньӧ коҥгам (буржуйкым) ыштен пуэн. Тудын бизнесше кӱртньо омсам ыштыме дене кылдалтын. Икмыняр кӱртньӧ коҥгаш «Держитесь, братцы! Мы с вами! Город Йошкар-Ола» манын возымо. Коҥгам декабрьыште черетан гуманитарный полыш дене колтат.
Марий амалкалче Николай Мамаеват мобилизоватлыме-влаклан 100 марий шеврон ден 2 партий мӱян да лӱмегожан стелькым колтен.