«Россия – страна возможностей» президент платформысо Россий кӱкшытан «Флагманы образования» профессионал конкурсын 300 студент-финалистын лӱмжым рашемдыме.
Ты конкурсыш ушнаш 23 274 студент йодмашым колтен. Нуно кум направлений дене пуртымо диагностикым эртеныт. Кокымшо этапыш 12 097 студент логалын. Тыште ӱдыр-рвезе-шамычын профессиональный шинчымашыштым тергеныт. Нунын кокла гыч 300 еҥ финалыш лектын. Марий Элын чапшым Марий кугыжаныш университетын студентше Никита Пчёлкин аралаш тӱҥалеш.
Конкурс педагог лияш шонышо чолга студент-влаклан полша.
МарГУ-н сайтше гыч налме фото.