19-22 октябрьыште Угарман кундемыште «Без срока давности» семинар лийын.
Тушко элнан тӱрлӧ кундемже гыч 200 наре самырык ӱдыр-рвезе-шамыч миен коштыныт. Нунын коклаште Марий кугыжаныш университетын «Воскресение» поисковый отрядше лийын.
Семинар годым калыкын Кугу Ачамланде сар жапысе илышыжым лончыленыт. Тыгак вӱдышӧ архивист да историк-шамыч дене пырля геноцидын проблемыжым шымленыт да ончычсым шарналтеныт.
«Молодёжь Марий Эл» ВК-се тӱшка гыч налме фото.