23 ноябрьыште Москошто ВДНХ-се «Россия» ончер годым Яр-Сале села гыч Александр ден Илона ненец калыкын йӱлаж почеш сӱаным ыштеныт.
Нуно идалык ончыч палыме лийыныт. Качымарий «Пламя» военно-патриотический клубышто пашам ышта, оръеҥ – Ямальский районын администрацийыштыже. Сӱан сценарийым эксперт совет ямдылен. Эн ончыч ӱдырым ненец муро-влак почеш ямдыленыт, ӱпшым пуненыт, вара туддеч осалым тӱтырыктеныт. Качымарийлан ӱдыр олным тӱлыктеныт, тыгодым качым чумыш пуртен огытыл. Тыгак шаман шке йӱлажым шуктен.