Икана корно дене еҥ-влак тӱшка каен. Кажныже вачымбалне шке ыресшым нумалын. Ик еҥлан шке ыресше поснак нелыла чучын. Но тудо чоя улмаш. Садлан чылашт деч почешрак кодын, чодыраш пурен да ыресшым пӱчкын кӱчыкемден, тыге тудо куштылгырак лийын. Чояланен моштымыжлан чот куанен. Еҥ-влакым поктен шуын.
Трук корнышто – келге поргем. Еҥ-влак ыресыштым пыштеныт да тудын гоч куштылгын вонченыт. А чоя марий шоген кодын, тудын ыресше кӱчык лийын.
Чоя еҥ шкенжымак ондален.